اضحك من قلبـــــــــــــــــــــــــك

- في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ.

- مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

- مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس.

- واحد أخنف حظه وحش قوي..وقع في حفره وفضل مستني لغاية ما واحد جه وعلى حظه كان أخنف برضه.. الأخنف اللي فوق قال ... استنى شوية .. حاطنّعك دنوأتي

قاله بسنعة .. قال له و كمان بتتنيأ ؟ طب شوف مين حيطنعكّ

- مرة واحد مسطول بيلعب كورة اخد الكورة على صدره طلعها من منخيره

- بلدياتنا بيوقف تاكسي فسأله: فاضي يااسطة فقال له الأسطة: ايوة فاضي

فقال له بلدياتنا: طيب ماتيجي تقعد معايا شوية .

اتمنى تضحكو من قلبكــــــــــــــم/ يحيــــــــــــــى

شكرا لك فقد اسعدتنا فى زمن يعز فيه الضحك

شكرا ليك مستر/ علاء على مرورك الكريم ونتمنى نكون قدرنا نضحكك ولوبابتسامه فهذا يكفى لمتابعتك لنا
لك منى جزيل الشكر
الســــــــــــــــاحر