منتديات مدرسة اللغات التجريبية بطنطا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كن ايجابيا فى حديثك - منقول

3 مشترك

اذهب الى الأسفل

كن ايجابيا فى حديثك - منقول Empty كن ايجابيا فى حديثك - منقول

مُساهمة من طرف والدة ولدين الإثنين 30 مارس 2009, 6:38 am





كيف تتحدث إلـــى البشـــر !!



عذراً ,, فالمقالة باللغة العامية العربية ,, لكنها ذات معلومة قيمة ,, بأسلوب جذاب

عمرك لاقيت إنك مش عارف تتواصل مع حد معين؟؟ رغم إنك فعلا عايز تكلمه؟

عمرك لاقيت مرة واحد ما بتحبش تتكلم معاه خالص؟؟ كده من غير سبب ,, !!

هل مرة لاقيت إنك مش عارف تبيع سلعتك للزبون بتاعك رغم إنك حاولت بكل إخلاص؟
أكيد أيوه.. مش كده؟؟؟



طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها
(التحدث بإيجابية)..



في البداية عايزه أوضح لكم حاجة مهمة جدا عن عقلنا اللاواعي..


هنعرفها من المثال الصغير ده:



هاقول لك جملتين عايزك تركز فيهم قوي وتنفذ اللي فيهم:
ماتفكرش في وردة حمراء!!
قدرت متفكرش !!
ماتتخيلش سيارة سوداء!!
ها؟ خدت بالك من اللي حصل ده ؟؟ أكيد أكيد فكرت لا إراديا في الوردة الحمراء وفي السيارة السوداء كمان..


إيه اللي حصل ده؟
وحصل ليــــــــــه ؟؟

اللي حصل يا جماعة إن العقل اللاواعي بتاعنا ما بيسمعش الكلام قوي..
ببساطة بياخد الجملة ويقعد يفكر فيها كلمة كلمة عشان يقدر يستوعبها..
فعشان تفهم الجملتين اللي فاتوا كان لازم العقل اللاواعي بتاعك يتخيل .. الوردة والسيارة السوداء !




يعني إيه؟؟ يعني لو عايز أأثر على العقل اللاواعي للشخص اللي باتكلم معاه،ومش عايزه يفكر في وردة حمراء.. يبقى لازم كلامى مايبقاش فيها كلمة وردة دى ..


عشان تفهم قصدي اقرا الأمثلة دي
البائع: الأسعار بتاعتنا مش غالية.. إحنا مش حرامية ونصابين!



الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي، ومش لازم يكون عارف ليه..
لكن ..
احنا عارفين طبعا ليه هو حس بالشعور دا ..



جملة (مش غالية) دي هيركز اللاشعور على كلمة (غالية) لا إراديا..
والجملة التانية (احنا مش حرامية ونصابين) هيفهم منها إنهم (حرامية ونصابين)!


:: يبقى تصحيح المثال السابق ::


يبقى المفروض البائع يقول مثلا: أسعارنا مناسبة جدا.. إحنا يهمنا ثقة العملاء!



نفهم من كده إيه؟؟




نفهم إن إنت لو عايز تأثر في اللي قدامك بحاجة، يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات...
واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض..

مثال تـــــــانى ::


الطبيب: ماتخافش.. الحقنة مش بتوجع خالص.



هــــــــا .. إيه رأيك في المثال ده؟؟



يللا مع بعض نطلع الكلمات السلبية:


أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف..
ثاني كلمة سلبية هي: (مش بتوجع).. دي هتخليه يتخيل الألم والوجع..


يبقى المفروض يقولها ازاي؟؟


الطبيب: اطمئن.. هتحس براحة بعد ثواني!
(ملاحظ إننا ماذكرناش كلمة "حقنة" أصلا؟)

ويـــــذكر لنا الكــاتب هذه الملحوظة الهامة التى عايشها بنفسه

(ملحوظة: كتجربة شخصية، لكل الأطباء اللي بيقرأوا الموضوع ده.. التكنيك ده أفادني كتير جدا -كطبيب أسنان- في إقناع المريض بأخذ الحقنة.. تجنب
الكلمات السلبية زي: ماتخافش- ماتقلقش– زي شكة الدبوس...
اتكلم معاه يا دكتور عن الراحة والشفاء وإن حقنة البنج مريحة لأنها حقنة بنج أساسا..
خدت بالك .. ببساطة لأن هي دي الحقيقة، بس المهم هنوصلها له بأي طريقة؟).

البنت لخطيبها: ماتقلقش يا حبيبي.. عمري ما هاخونك أو أكرهك!!!
طبعا كلنا حسينا بصدمة من الكلام ده..
عشان الكلمات السلبية زي: ماتقلقش- هاخونك – أكرهك!!!



المفروض الجملة دي تتقال كده:

البنت لخطيبها: اطمئن يا حبيبي.. أنا مخلصة لحبنا وهافضل أحبك على طول!!


شايف الجمال اللي في المعنى؟؟ مع إننا ممكن نلاحظ ببساطة إن الجملتين لهم نفس المعنى...


ندخل على الحكمة بتاعة النهارده:




مهم جداً معنى الكلام الذي نقوله..
والأهم هو: كيف نقول هذا المعنى؟؟
استخدم كلمات إيجابية دائما في حياتك ..
ولاحظ الفرق الذي سيحدث في علاقاتك مع الناس ..

وأعرف الحقيقة دي..
الناس اللي بيستخدموا كلمات سلبية كتير في كلامهم،
الناس بتبتعد عنهم ومش بتحب تتكلم معاهم..

افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟
بيشتم كتير؟
بيثير الإحباط؟
ركز في كلامه هتلاقي الكلمات اللي قلنا عليها..
الكلمات السلبية..



على عكس الناس اللي بتحب تتكلم معاهم..
فكر في واحد بتحب تتكلم معاه وبتستمتع بكده.. يـــا ترى ليه بتحب تتكلم معاه ؟؟
مبتسم
متفائل
بيهون على الناس اللي حواليه مشاكل الحياة ..
ركز في كلامه هتلاقي الكلمات اللي بنقول عليها..
الكلمات الإيجابية ..


قبل ما نختم بقى تعالوا نلعب لعبة



اختار الجمل والكلمات الإيجابية اللي توصل المعنى بصورة صحيحة، وحط قدامها علامه (صح)

أنا مش عبيط.. أنا فاهم كل حاجة..

خليك ذكي وركز معايا..

الجو النهارده كويس..

يا باشا البضاعة بتاعتي مش بتعفن !

اطمن.. الموضوع بسيط!

هابطل السجاير، واكون إنسان جديد!

البارفان ده ريحته مش وحشة خالص.. بالعكس!

مش هاخذلك يا معلم!

أنا إرادتي قوية جدا.. ثق في كده!

ماتبقاش غبي يا بني.. فتح مخك معايا!

طبعا حليت الواجب كله لوحدي.. إنت فاكرني باكدب؟



كفاية كده؟؟



وبذلـــــــك يكون قد انتهى الموضوع ..
أرجو ان نكون ذو رقابة على الفاظنا ,, وندرك ما نقول ..
حتى نعى ما نقول ,, ومن ثم نستطيع التحسين من طرق تعاملنا من الغير ..
,,,,
عجبني جدا فنقلته
فأرجو ان اكون قد وفقت فى اختار الموضوع ..
وأرجوكم لا تنسونى بدعائكم الصالح بظهر الغيب لعل الله يصلح من شأنى .
ودمتم بخير ..




والدة ولدين

عدد المساهمات : 303
تاريخ التسجيل : 17/03/2009

الرجوع الى أعلى الصفحة اذهب الى الأسفل

كن ايجابيا فى حديثك - منقول Empty رد: كن ايجابيا فى حديثك - منقول

مُساهمة من طرف زياد ويمنى أيمن الإثنين 30 مارس 2009, 6:49 pm

موضوع اكتر من رائع وايجابي


كن ايجابيا فى حديثك - منقول No43

زياد ويمنى أيمن

عدد المساهمات : 145
تاريخ التسجيل : 22/03/2009

الرجوع الى أعلى الصفحة اذهب الى الأسفل

كن ايجابيا فى حديثك - منقول Empty رد: كن ايجابيا فى حديثك - منقول

مُساهمة من طرف والدة ولدين الثلاثاء 31 مارس 2009, 2:24 pm

كن ايجابيا فى حديثك - منقول Get-3-2009-ujfwyfmr

والدة ولدين

عدد المساهمات : 303
تاريخ التسجيل : 17/03/2009

الرجوع الى أعلى الصفحة اذهب الى الأسفل

كن ايجابيا فى حديثك - منقول Empty رد: كن ايجابيا فى حديثك - منقول

مُساهمة من طرف الســـــــــــاحر الإثنين 13 أبريل 2009, 3:32 pm

بجد موضوع جميل جدا اشكرك عليه ومنتظرين المزيد
كن ايجابيا فى حديثك - منقول Xsgs321

الســـــــــــاحر

عدد المساهمات : 312
تاريخ التسجيل : 10/04/2009
الموقع : ye_wa1980@yahoo.COM

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى